ಶಿವಮೊಗ್ಗ: (ನ್ಯೂಸ್ ಮಲ್ನಾಡ್ ವರದಿ) ಭದ್ರಾ ಜಲಾಶಯದ ಎಡದಂಡೆ ನಾಲೆಗೆ ನೂತನ ಗೇಟ್ ಅಳವಡಿಸುವ ಕಾಮಗಾರಿ ಭರದಿಂದ ಸಾಗಿದೆ. ಈ ಹಿಂದಿದ್ದ ಗೇಟ್ ಸಂಪೂರ್ಣವಾಗಿ ಮುಚ್ಚಿದ ಸಂದರ್ಭದಲ್ಲೂ ನೀರು ಜಲಾಶಯದಿಂದ ಪೋಲಾಗುತ್ತಿತ್ತು. ಈ ಹಿನ್ನೆಲೆಯಲ್ಲಿ ಈ ವರ್ಷ ಮುಂಗಾರು ಆರಂಭಕ್ಕೆ ಮುನ್ನವೇ ಹೊಸ ಗೇಟ್ ಅಳವಡಿಕೆಗೆ ಕರ್ನಾಟಕ ನೀರಾವರಿ ನಿಗಮದ ಅಧಿಕಾರಿಗಳು ಮುಂದಾಗಿದ್ದರು.
ಇದನ್ನೂ ಓದಿ: ರೈತರಿಗೆ ಗುಡ್ ನ್ಯೂಸ್!; ಕೃಷಿ ಉಪಕರಣ ಖರೀದಿಗೆ 50% ಸಬ್ಸಿಡಿ
ದೆಹಲಿ ಮೂಲದ ಅಪಾ‌ರ್ ಇನ್ಫೋಟೆಕ್ ಕಂಪನಿ ಈ ಗೇಟ್ ಅಳವಡಿಕೆಯ ಜವಾಬ್ದಾರಿ ವಹಿಸಿಕೊಂಡಿದೆ. ಮಾಚೇನಹಳ್ಳಿ ಶಾಂತಲಾ ಸ್ಪೆರೋಕಾಸ್ಟ್ ಹಾಗೂ ವಿ-ಟೆಕ್ ಇಂಜಿನಿಯರಿಂಗ್ ಈ ಗೇಟ್ ಅನ್ನು ಅಭಿವೃದ್ಧಿಪಡಿಸಿವೆ. 11 ಟನ್ ತೂಕವಿರುವ ಗೇಟ್ ಆರು ಮೀಟರ್ ಅಗಲ ಹಾಗೂ 12 ಮೀಟರ್ ಉದ್ದವಿದೆ. ಇನ್ನೊಂದು ವಾರದಲ್ಲಿ ಗೇಟ್ ಅಳವಡಿಸುವ ಕಾರ್ಯ ಮುಕ್ತಾಯವಾಗುವ ನಿರೀಕ್ಷೆಯಿದೆ.
ಈ ಗೇಟ್ ನಿರ್ಮಾಣದಲ್ಲಿ ತುಕ್ಕು ನಿರೋಧಕ ತಂತ್ರಜ್ಞಾನ ಬಳಸಲಾಗಿದೆ. ವರ್ಷವಿಡಿ ಗೇಟಿನ್ ಬಹುತೇಕ ಭಾಗ ನೀರಿನಲ್ಲೇ ಇರುವುದರಿಂದ ತುಕ್ಕು ತಗುಲುವ ಸಾಧ್ಯತೆಗಳು ಹೆಚ್ಚಿರುತ್ತವೆ. ಹೀಗಾಗಿ ಅತ್ಯುತ್ತಮ ಗುಣಮಟ್ಟ ಉಕ್ಕನ್ನು ಈ ಗೇಟ್ ನಿರ್ಮಾಣಕ್ಕೆ ಬಳಕೆ ಮಾಡಲಾಗಿದೆ. ಸೈಲ್ (ಭಾರತೀಯ ಉಕ್ಕು ಪ್ರಾಧಿಕಾರ) ಅಗತ್ಯ ವಿರುವ ಉಕ್ಕನ್ನು ಸರಬರಾಜು ಮಾಡಿದೆ.
ಇದನ್ನೂ ಓದಿ: ರೈಲ್ವೆ NTPC ಗ್ರಾಜುವೇಟ್ ನೇಮಕಾತಿ; 30,307 ಹುದ್ದೆಗೆ ಅರ್ಜಿ ಆಹ್ವಾನ
