ಚಿಕ್ಕಮಗಳೂರು: (ನ್ಯೂಸ್ ಮಲ್ನಾಡ್ ವರದಿ) ಮಾಜಿ ಸಚಿವ, ಹಿರಿಯ ರಾಜಕೀಯ ಮುತ್ಸದ್ದಿ ಡಿ.ಬಿ.ಚಂದ್ರೇಗೌಡ (87) ಅವರು ಇಂದು ಮುಂಜಾನೆ ೧೨.೨೦ ಕ್ಕೆ ದಾರದಹಳ್ಳಿಯ ತಮ್ಮ ನಿವಾಸದಲ್ಲಿ ವಯೋಸಹಜ ಅನಾರೋಗ್ಯದಿಂದ ಕೊನೆಯುಸಿರೆಳೆದಿದ್ದಾರೆ.
ಇದನ್ನೂ ಓದಿ; ಕೇಂದ್ರ ಸರ್ಕಾರದಿಂದ ಬಂಪರ್ ಗಿಫ್ಟ್; ಮುಂದಿನ 5 ವರ್ಷ ಉಚಿತ ಪಡಿತರ ವಿಸ್ತರಣೆ ಘೋಷಿಸಿದ ಮೋದಿ!
ಕೇಂದ್ರ ಕಾನೂನು ಸಚಿವರಾಗಿ ಸೇವೆ ಸಲ್ಲಿಸಿದ್ದ ಚಂದ್ರೇಗೌಡರು ಸಂಸದರಾಗಿಯೂ ಬಿಜೆಪಿಯಿಂದ ಆಯ್ಕೆಯಾಗಿದ್ದರು. ಕಾಂಗ್ರೆಸ್ ಕಟ್ಟಾಳಾಗಿದ್ದ ಚಂದ್ರೇಗೌಡ ಬದಲಾದ ಸನ್ನಿವೇಶದಲ್ಲಿ ಕಾಂಗ್ರೆಸ್ ತೊರೆದು ಬಿಜೆಪಿ ಸೇರಿದ್ದರು.
ಇದನ್ನೂ ಓದಿ; ಇಂದಿನ ಮಾರುಕಟ್ಟೆಯಲ್ಲಿ ಕಾಫಿ ಹಾಗೂ ಕಾಳುಮೆಣಸಿನ ರೇಟ್ ಹೇಗಿದೆ- 05.11.2023
ಮಂಗಳವಾರ ಮಧ್ಯಾಹ್ನ 2 ರಿಂದ ಸಂಜೆ 6 ರ ವರೆಗೆ ಮೂಡಿಗೆರೆ ಅಡ್ಯಂತಾಯ ರಂಗದಮಂದಿರದಲ್ಲಿ ಡಿ.ಬಿ. ಚಂದ್ರೇಗೌಡರ ಪಾರ್ಥಿವ ಶರೀರವನ್ನು ಸಾರ್ವಜನಿಕ ಅಂತಿಮ ದರ್ಶನಕ್ಕೆ ಇರಿಸಲಾಗುವುದು. ಬುಧವಾರ ಮಧ್ಯಾಹ್ನ ದಾರದಹಳ್ಳಿಯ ಅವರ ಪೂರ್ಣಚಂದ್ರ ಎಸ್ಟೇಟ್ ನಲ್ಲಿ ಅಂತಿಮ ಸಂಸ್ಕಾರ ನೆರವೇರಿಸಲಾಗುವುದು ಎಂದು ಕುಟುಂಬ ಮೂಲಗಳು ಹೇಳಿವೆ.
25 ನೇ ರಜತ ದಿನಕ್ಕೆ ಕಾಲಿಟ್ಟ ಜಲಪಾತ ಸಿನಿಮಾ
ಇಂಡಸ್ ಹರ್ಬ್ಸ್ ನ ರವೀಂದ್ರ ತುಂಬರಮನೆ ವಿಷಯ ವಿನ್ಯಾಸ ಗೈದು ನಿರ್ಮಿಸಿ, ಮಲೆನಾಡ ಪ್ರಸಿದ್ಧ ರಂಗಕರ್ಮಿ ರಮೇಶ್ ಬೇಗಾರ್ ರಚಿಸಿ ನಿರ್ದೇಶಿಸಿರುವ ಜಲಪಾತ ಸಿನಿಮಾಕ್ಕೆ ಇದೀಗ 25 ನೇ ದಿನಕ್ಕೆ ಕಾಲಿಟ್ಟು ಜನಪ್ರೀತಿ ಗಳಿಸಿದೆ.
ಜಲಪಾತ ಸಿನಿಮಾದಲ್ಲಿ ಸಂಪೂರ್ಣವಾಗಿ ಮಲೆನಾಡ ಭಾಷೆಯನ್ನು ಸೊಗಸಾಗಿ ಬಳಸಿಕೊಳ್ಳಲಾಗಿದೆ. ಈ ಚಿತ್ರದಲ್ಲಿ ಪ್ರಮೋದ್ ಶೆಟ್ಟಿ ಅತ್ಯಂತ ವಿಭಿನ್ನ ಪಾತ್ರವೊಂದರಲ್ಲಿ ಅಭಿನಯಿಸಿದ್ದಾರೆ. ರಜನೀಶ್ ಎಂ ಮತ್ತು ಮಲೆನಾಡ ಬುಹುಮುಖ ಪ್ರತಿಭೆ ನಾಗಶ್ರೀ ಬೇಗಾರ್ ನಾಯಕ-ನಾಯಕಿಯರಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಮಲೆನಾಡ ಹೆಸರಾಂತ ರಂಗಭೂಮಿ ಕಲಾವಿದ ಬಿ ಎಲ್ ರವಿಕುಮಾರ್ ವಾಸಣ್ಣಯ್ಯನಾಗಿ , ಗಾಯಕಿ ರೇಖಾ ಪ್ರೇಂ ಕುಮಾರ್ ವನಮಾಲಮ್ಮನ ಪಾತ್ರದಲ್ಲಿ ಅಪಾರ ಕೀರ್ತಿಯನ್ನು ಈ ಚಿತ್ರದ ಮೂಲಕ ಪಡೆದಿದ್ದಾರೆ. ಇವರೊಂದಿಗೆ ಪ್ರತಿಭಾವಂತ ಕಲಾವಿದರಾದ ವಿಶ್ವನಾಥ್, ಚಂದ್ರಶೇಖರ ತುಂಬರಮನೆ, ವಿಶ್ವನಾಥ್ ಶೆಟ್ಟಿ ಗಂಡಘಟ್ಟ, ಕಾರ್ತಿಕ್, ಪ್ರಶಾಂತ್ ಶೆಟ್ಟಿ, ವ್ಯಂಗ್ಯ ಚಿತ್ರಕಾರ ಎಮ್ ಎನ್ ದತ್ತಾತ್ರೀ, ನಟರಾಜ್ ರಾವ್, ಶ್ರೀ ಹರ್ಷ, ಸ್ವಾತಿ, ಸುನೀತ, ವೈಶಾಲಿ, ವಿಜಯಲಕ್ಷ್ಮ್ಮೀ, ಸುಧಾಕರ ಶೆಟ್ಟಿ, ಶ್ರೀಮತಿ, ರಶ್ಮಿ ಹೇರ್ಳೆ, ಶಂಕರ್, ರಾಮದಾಸ್, ಸುರೇಶ್ ಎಮ್ ಆರ್, ಚಿದಾನಂದ ಹೆಗ್ಗಾರ್ ಮೊದಲಾದವರು ವೈವಿಧ್ಯಮಯ ಪಾತ್ರಗಳಿಗೆ ಬಣ್ಣ ಹಚ್ಚಿದ್ದಾರೆ. ಸಾದ್ವಿನಿ ಕೊಪ್ಪ ಸಂಗೀತದ 3 ಹಾಡುಗಳು ಜನರನ್ನು ಮೋಡಿಮಾಡಿವೆ. ವಿನು ಮನಸು ಅವರ ಹಿನ್ನೆಲೆ ಸಂಗೀತ, ಶಶೀರ ಶೃಂಗೇರಿ- ಛಾಯಾಗ್ರಹಣ, ಅವಿನಾಶ್ ಶೃಂಗೇರಿ – ಸಂಕಲನ ಮತ್ತು ಅಭಿಷೇಕ್ ಹೆಬ್ಬಾರ್ ಕಲಾನಿರ್ದೇಶನವನ್ನು ಜಲಪಾತ ಹೊಂದಿದೆ.
ಪರಿಸರ ಕಾಳಜಿಯನ್ನು ಫ್ಯಾಮಿಲಿ ಡ್ರಾಮ ಶೈಲಿಯ ಕಥೆಯಲ್ಲಿ ಕಟ್ಟಿಕೊಡಲಾಗಿರುವ ಜಲಪಾತಕ್ಕೆ ಎಲ್ಲಾ ವಯೋಮಾನದ ಪ್ರೇಕ್ಷಕರೂ ಫಿದಾ ಆಗಿದ್ದು, ನೋಡಿದವರು ಶಾಲಾ ವಿದ್ಯಾರ್ಥಿಗಳು ಹೆಚ್ಚು ಹೆಚ್ಚು ನೋಡಬೇಕೆಂಬ ಆಶಯ ವ್ಯಕ್ತಪಡಿಸುತ್ತಿದ್ದಾರೆ. ಇದಕ್ಕೆ ಪೂರಕ ಎಂಬಂತೆ ಚಿಕ್ಕಮಗಳೂರು ಸಾರ್ವಜನಿಕ ಶಿಕ್ಷಣ ಇಲಾಖೆ ಚಿತ್ರ ವೀಕ್ಷಣೆಗೆ ಅನುಮತಿ ಅಧಿಕೃತವಾಗಿ ನೀಡಿದ್ದಾರೆ.
ಇನ್ನು ಕುರಿತು ಪ್ರತಿಕ್ರಿಯಿಸಿದ ನಿರ್ಮಾಪಕ ರವೀಂದ್ರ ತುಂಬರಮನೆ ಸಿನಿಮಾ ನಿರ್ಮಾಣದ ಉದ್ದೇಶವೇ ಭಾವನೆಗಳ ಜೊತೆ ಪರಿಸರ ಕಾಳಜಿಯನ್ನು ಬಿಂಬಿಸುವುದಾಗಿತ್ತು. ಮತ್ತೆ ಇದು ಮುಂದಿನ ಪೀಳಿಗೆಯನ್ನು ಗಮನದಲ್ಲಿರಿಸಿ ಅರಿವು ಮೂಡಿಸುವುದಾಗಿತ್ತು. ದಿನೇ ದಿನೇ ಶಾಲಾ ಕಾಲೇಜಿನ ವಿದ್ಯಾರ್ಥಿಗಳು ಮುಗಿಬಿದ್ದು ಚಿತ್ರ ವೀಕ್ಷಿಸುತ್ತಿದ್ದಾರೆ. ನಮ್ಮ ಉದ್ದೇಶ ಸಾರ್ಥಕಗೊಳ್ಳುತ್ತಿರುವ ಕ್ಷಣವಿದು ಎಂದಿದ್ದಾರೆ.
ಚಿತ್ರವನ್ನು ಮಲೆನಾಡ ಭಾಷೆ ಸಂಸ್ಕೃತಿ ಮತ್ತು ಪ್ರಕೃತಿಯನ್ನು ಆಧರಿಸಿ ನಿರ್ಮಿಸಿದ್ದೆವು. ಇಂಥಹ ಪ್ರಾದೇಶಿಕ ಕಂಟೆಂಟ್ ನ ಸಿನಿಮಾ ಯಶಸ್ವೀ ೪ ನೇ ವಾರ ಮತ್ತು 25 ನೇ ದಿನ ಪೂರೈಸುವುದರ ಮೂಲಕ ಕನ್ನಡ ಜನರ ಸಾಂಸ್ಕೃತಿಕ ಅಭಿರುಚಿ ಸದಾ ಶ್ರೇಷ್ಠ ಎಂದು ಬಿಂಬಿಸಿದೆ. ಚಿತ್ರ ಸಾಂಸ್ಕೃತಿಕವಾಗಿ ಸಂಪೂರ್ಣ ಒಂದು ಪ್ರದೇಶವನ್ನು ಜನರಿಗೆ ಪರಿಚಯಿಸಲ್ಪಟ್ಟಿದೆ. ಇದೊಂದು ಸದಭಿರುಚಿಯ ಗೆಲುವು ಎಂದು ನಿರ್ದೇಶಕ ರಮೇಶ್ ಬೇಗಾರ್ ಅಭಿಪ್ರಾಯಿಸಿದ್ದಾರೆ.
