ಕಳಸ: (ನ್ಯೂಸ್ ಮಲ್ನಾಡ್ ವರದಿ) ಚಿಕ್ಕಮಗಳೂರು ಜಿಲ್ಲೆಯ ಕಳಸ ತಾಲೂಕಿನ ಕಳಸ-ಹೊರನಾಡು ರಸ್ತೆಯಲ್ಲಿ ಏಪ್ರಿಲ್ 25 ರವರೆಗೆ ವಾಹನ ಸಂಚಾರ ನಿಷೇಧಿಸಲಾಗಿದೆ.
ಇದನ್ನೂ ಓದಿ: PUC ಪಾಸ್‌ ಆದ ವಿದ್ಯಾರ್ಥಿಗಳ ಗಮನಕ್ಕೆ; 25,000 ರೂ ಸ್ಕಾಲರ್ಶಿಪ್‌ ಲಭ್ಯ ಅರ್ಜಿ ಸಲ್ಲಿಸುವ ಲಿಂಕ್‌ ಇಲ್ಲಿದೆ
ಹೆಬ್ಬಾಳೆ ಸೇತುವೆಯ ತಡೆಗೋಡೆ ಮತ್ತು ಅಪ್ರೋಚ್ ರಸ್ತೆ ನಿರ್ಮಾಣ ಕಾಮಗಾರಿ ನಡೆಯುತ್ತಿರುವುದರಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.
ಬದಲಿ ರಸ್ತೆ ಬಳಸುವಂತೆ ಸೂಚನೆ:
ಕಳಸ-ಹೊರನಾಡು ಸಂಪರ್ಕಿಸಲು ಬದಲಿ ರಸ್ತೆಯಾದ ಹಳುವಳ್ಳಿ-ದಾರಿಮನೆ ಕ್ರಾಸ್ ರಸ್ತೆ ಬಳಸಬೇಕಾಗಿದೆ. ಹೊರನಾಡು ರಸ್ತೆ ಏಕಪಥದ ರಸ್ತೆಯಾಗಿದ್ದು, ಲಘು ವಾಹನಗಳ ಸಂಚಾರಕ್ಕೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ.
ಇದನ್ನೂ ಓದಿ: ಇ-ಖಾತೆ ಪಡೆಯುವುದು ಇನ್ನು ಸುಲಭ; ಈ ದಾಖಲೆಯ ಅಗತ್ಯವಿಲ್ಲ
ಶೃಂಗೇರಿಯಿಂದ ಹೊರನಾಡಿಗೆ ಬರುವ ವಾಹನಗಳನ್ನು ಶೃಂಗೇರಿ-ಕೂಳೂರು-ಕೊಗ್ರೆ-ಶಾಂತಿಗ್ರಾಮ-ಬೈಲುಮನೆ-ಮೆಣಸಿನಹಾಡ್ಯ ಮಾರ್ಗ ಬಳಸಬಹುದಾಗಿದೆ. ಈ ರಸ್ತೆಯು ತೀವ್ರ ತಿರುವುಗಳಿಂದ ಕೂಡಿರುವುದರಿಂದ ಉದ್ದ ಚಾಸಿ ವಾಹನಗಳನ್ನು (ಬಸ್ಸು, ಲಾರಿ ಇತರೆ) (ಲಾಂಗ್ ಚಾಸ್ಸಿ) ಸಂಚಾರವನ್ನು ನಿಷೇಧಿಸಿ ಜಿಲ್ಲಾಧಿಕಾರಿ ಮೀನಾ ನಾಗರಾಜ್ ಆದೇಶಿಸಿದ್ದಾರೆ.
