ಚಿಕ್ಕಮಗಳೂರು: (ನ್ಯೂಸ್ ಮಲ್ನಾಡ್ ವರದಿ) ಚಿಕ್ಕಮಗಳೂರು ಜಿಲ್ಲೆಯಲ್ಲಿ ದತ್ತಜಯಂತಿ ಕಾರ್ಯಕ್ರಮದ ಆಚರಣೆ ಹಿನ್ನೆಲೆ ಜಿಲ್ಲೆಯಲ್ಲಿ ಕಾನೂನು ಸುವ್ಯವಸ್ಥೆ ಹಾಗೂ ಸಾರ್ವಜನಿಕ ಶಾಂತಿ ಕಾಪಾಡುವ ದೃಷ್ಟಿಯಿಂದ ಮದ್ಯ ಮಾರಾಟವನ್ನು ನಿಷೇಧಿಸಲಾಗಿದೆ.
ಇದನ್ನೂ ಓದಿ; ವಿದ್ಯುತ್ ಇಲಾಖೆಯಲ್ಲಿ ಉದ್ಯೋಗಾವಕಾಶ; 400 ಹುದ್ದೆಗಳಿಗೆ ಅರ್ಜಿ ಆಹ್ವಾನ; ಮಾಸಿಕ ವೇತನ ಎಷ್ಟು?, ಉದ್ಯೋಗ ಸ್ಥಳ ಎಲ್ಲಿ?
ಎಷ್ಟು ದಿನ ಮದ್ಯ ಮಾರಾಟ ನಿಷೇಧ?:
ಡಿಸೆಂಬರ್ 24.12.2023 ರಿಂದ 26.12.2023 ರವರೆಗೆ ಮದ್ಯ ಮಾರಾಟವನ್ನು ನಿಷೇಧಿಸಲಾಗಿದೆ.
ಇದನ್ನೂ ಓದಿ; UIDAI ನಿಂದ ಬಿಗ್ ರಿಲೀಫ್; ಉಚಿತ ಆಧಾರ್‌ ಅಪ್ಡೇಟ್ ಗಡುವು ವಿಸ್ತರಣೆ; ಈ ದಿನಾಂಕದವರೆಗೆ ನವೀಕರಣಕ್ಕೆ ಅವಕಾಶ
ಎಲ್ಲೆಲ್ಲಿ ನಿಷೇಧಿಸಲಾಗಿದೆ?:
ಚಿಕ್ಕಮಗಳೂರು, ಮೂಡಿಗೆರೆ, ಕೊಪ್ಪ, ಶೃಂಗೇರಿ ಮತ್ತು ನರಸಿಂಹರಾಜಪುರ ತಾಲೂಕುಗಳ ವ್ಯಾಪ್ತಿಯಲ್ಲಿ 24.12.2023 ರ ಬೆಳಿಗ್ಗೆ 6 ರಿಂದ 26.12.2023 ಮಧ್ಯರಾತ್ರಿ 12 ಗಂಟೆ ವರೆಗೆ ನಿಷೇಧಿಸಲಾಗಿದೆ.
ಕ್ಯಾನ್ಸರ್ ನಿಂದ ಬಳಲುತ್ತಿರುವ ಪ್ರತಿಭಾನ್ವಿತ ವಿದ್ಯಾರ್ಥಿನಿಗೆ ಬೇಕಿದೆ ನಿಮ್ಮೆಲ್ಲರ ನೆರವಿನ ಹಸ್ತ
ಶೃಂಗೇರಿ: (ನ್ಯೂಸ್ ಮಲ್ನಾಡ್ ವರದಿ) ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ತಾಲೂಕಿನ ನೆಮ್ಮಾರು ಗ್ರಾಮದ, ದಿವಂಗತ ಶೇಷಪ್ಪ ಹಾಗೂ ಜಯಾ ಅವರ ದ್ವಿತೀಯ ಪುತ್ರಿ ಕುಮಾರಿ ಸುಶ್ಮಿತಾ ಕೆ.ಎಸ್ (17) ಕಳೆದ ಒಂದು ತಿಂಗಳ ಹಿಂದೆ ಬಿಟ್ಟು ಬಿಟ್ಟು ಅಲ್ಪ ಜ್ವರ, ಸುಸ್ತು, ವಾಂತಿ ಮತ್ತು ಕೆಮ್ಮು ಕಫ ಶುರುವಾಗಿ, ಶೃಂಗೇರಿಯ ಆಸ್ಪತ್ರೆಯಲ್ಲಿ ಎಕ್ಸರೇ ಮತ್ತು ಅಲ್ಟ್ರಾಸೌಂಡ್ ಸ್ಕ್ಯಾನಿಂಗ್ ಮಾಡಿ ಶ್ವಾಸಕೋಶದಲ್ಲಿ ನೀರು ತುಂಬಿಕೊಂಡಿದೆ ಎಂದು ಹೆಚ್ಚಿನ ಚಿಕಿತ್ಸೆಗಾಗಿ ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆಯ ಶ್ವಾಸಕೋಶ ವಿಭಾಗದ ಮುಖ್ಯ ವೈದ್ಯಾಧಿಕಾರಿಯಾದ ಡಾ.ರಾಹುಲ್ ಮ್ಯಾಗಸಿನ್ ಇವರಲ್ಲಿ ಸುಶ್ಮಿತಾಳನ್ನು ಕರೆತಂದು ಕೆಲವೊಂದು ರಕ್ತಪರೀಕ್ಷೆ ಮಾಡಿಸಿದ ವೈದ್ಯರು ರಕ್ತದಲ್ಲಿನ ರಕ್ತಕಣಗಳ ವೈಪರಿತ್ಯ ಕಂಡು ಹೆಚ್ಚಿನ ಪರೀಕ್ಷೆಗೆ ಒಳಪಡಿಸಿದಾಗ ರಕ್ತದ ಅಥವಾ ಅಸ್ಥಿಮಜ್ಜೆಯ ಕ್ಯಾನ್ಸರ್ (LUEKEMIA/ಲ್ಯುಕೆಮಿಯ) ಎಂದು ಅನುಮಾನಿಸಿ, ಮಣಿಪಾಲದ ಮಕ್ಕಳ ಹೆಮಟಲಾಜಿ ಮತ್ತು ಆಂಕಲಾಜಿ ವಿಭಾಗದ ಮುಖ್ಯ ಡಾಕ್ಟರ್ ವಾಸುದೇವ ಭಟ್ ಇವರಲ್ಲಿ ಸಮಾಲೋಚಿಸಿ ಒಳರೋಗಿಯಾಗಿ ದಾಖಲಿಸಿಕೊಂಡು ಚಿಕಿತ್ಸೆ ಮುಂದುವರಿಸಿದ್ದಾರೆ.
ಹಲವಾರು ಬಾರೀ ರಕ್ತಪರೀಕ್ಷೆ ಮತ್ತು ಎಕ್ಸರೇ ಬಳಿಕ (T-CELL LARGE GRANULAR LEUKEMIA / LYMPHOMA ( ಟಿ ಸೆಲ್ ಲಾರ್ಜ್ ಗ್ರಾನುಲರ್ ಲುಕೆಮಿಯ / ಲಿಂಫೋಮ) EBV INDUCED T-CELL LYMPHOMA (ಇ.ಬಿ.ವಿ. ಇಂದ್ಯುಸ್ಡ್ ಟಿ ಸೆಲ್ ಲಿಂಫೋಮಾ) ಎಂಬ ಕಾಯಿಲೆಗೆ ಸುಶ್ಮಿತಾ ಒಳಗಾಗಿದ್ದಾಳೆ.
ನಾವು ಪ್ರತಿನಿತ್ಯ ಎಷ್ಟೋ ಹಣವನ್ನು ಅನವಶ್ಯಕವಾಗಿ ಖರ್ಚು ಮಾಡುತ್ತೇವೆ. ಆದರೆ ನಿಮ್ಮ ಕೈಲಾದಷ್ಟು ಪ್ರತಿಭಾನ್ವಿತ ಬಡ ವಿದ್ಯಾರ್ಥಿನಿಯೊಬ್ಬಳಿಗೆ ನೀಡಿದಲ್ಲಿ ಅದು ಆಕೆಯ ಕುಟುಂಬಕ್ಕೆ ಶಕ್ತಿ ತುಂಬಿದಂತಾಗುತ್ತದೆ. ಎಲ್ಲರೂ ತಮ್ಮ ಕೈಲಾದಷ್ಟು ಹಣವನ್ನು ಆಕೆಯ ಕುಟುಂಬಕ್ಕೆ ಹಾಕುವಂತೆ ಮನವಿ ಮಾಡುತ್ತೇವೆ. – ಪ್ರಶಾಂತ್ ಪೂಜಾರಿ, ರಕ್ತದಾನಿ ಬಳಗದ ಸದಸ್ಯ
ಹೀಗಾಗಿ ಸುಶ್ಮಿತಾ ಳ ತಾಯಿ ಹಾಗೂ ಕುಟುಂಬದವರು ಮಾನಸಿಕವಾಗಿ ಆರ್ಥಿಕವಾಗಿ ತುಂಬಾ ಕಷ್ಟಕ್ಕೆ ಸಿಲುಕಿದ್ದು, ಸಹೃದಯಿಗಳಲ್ಲಿ ನೆರವಿನ ಹಸ್ತ ಚಾಚಿದ್ದಾರೆ. ಈ ಕೆಳಕಂಡ ನಂಬರಿಗೆ ಗೂಗಲ್ ಪೇ ಮಾಡಬಹುದು.
ಕುಮಾರಿ ಸುನೀತ ಕೆ.ಎಸ್ ( ಸುಶ್ಮಿತಾಳ ಅಕ್ಕ)
8310038217 (ಗೂಗಲ್ ಪೇ ಮಾತ್ರ)
